Shpallja non-grata e spiunes ruse, Sveçla: Dëshmi e pakundërshtueshme e ndërhyrjes ruse në veri
Ministri i Punëve të Brendshme të Kosovës, Xhelal Sveçla ka thënë se shpallja e gazetares ruse si persona “non grata” është një dëshmi e pakundërshtueshme e ndërhyrjes ruse në veri të vendit.
Kështu ka bërë të ditur Sveçla përmes një reagimi në rrjetin social në Twitter.
“Në të njëjtën ditë që policia jonë u sulmua nga bandat kriminale dhe vetëm gjashtë ditë pas incidenteve të së dielës, Daria Aslamova, një spiune e konfirmuar rus e angazhuar në propagandë lufte në Ukrainë u arrestua duke tentuar të hyjë në Kosovë nga Serbia – dëshmi e pakundërshtueshme e ndërhyrjes së Rusisë në veri të Republikës së Kosovës”, ka shkruar Sveçla.
Sot gjatë ditës, Sveçla gjithashtu ka treguar se Aslamova është shpallur non-grata për pesë vitet e ardhshme në Kosovë./Shqip.com
The same day our police were attacked by criminal gangs & only six days after Sunday’s incidents, Daria Aslamova, a confirmed Russian spy engaged in war propaganda in 🇺🇦, was detained attempting to enter Kosova from Serbia-irrefutable proof of 🇷🇺 interference in the north of 🇽🇰.
— Xhelal Sveçla (@XSvecla) August 7, 2022