Shefi rus i naftës ndërron jetë pasi u rrëzua nga dritarja e spitalit

Kryetari i gjigantit rus të naftës Lukoil, Ravil Maganov, ka vdekur pasi ka rënë nga dritarja e një spitali në Moskë, thonë raportet.

Kompania konfirmoi vdekjen e tij, por tha vetëm se Maganov, 67 vjeç, “ka ndërruar jetë pas një sëmundjeje të rëndë”, raporton BBC.

Mediat ruse thanë se ai po trajtohej në Spitalin Klinik Qendror të Moskës dhe vdiq nga plagët e marra.

Maganov është i fundit nga një numër drejtuesish biznesi të profilit të lartë që vdes në rrethana misterioze.

Autoritetet hetuese thanë se po punonin në vendngjarje për të përcaktuar se si ai vdiq. Agjencia e lajmeve Tass citoi burime që thanë se ai kishte rënë nga dritarja e katit të gjashtë, duke shtuar më vonë se ai kishte vrarë veten.

Menjëherë pasi Rusia pushtoi Ukrainën, bordi i Lukoil bëri thirrje që konflikti të përfundojë sa më shpejt të jetë e mundur, duke shprehur simpatinë e tij për viktimat e “kësaj tragjedie”.

Lukoil është kompania më e madhe private ruse./SHQIP.com