Sërish zjarr në parlamentin e Afrikës së Jugut
Një zjarr shkatërrues që përfshiu parlamentin e Afrikës së Jugut në Cape Town u rindez vetëm disa orë pasi u tha se ishte nën kontroll.
Flakët u panë të dilnin nga çatia e ndërtesës të hënën, ndërsa zjarrfikësit u përpoqën të shuanin flakët.
Zjarri shpërtheu fillimisht të dielën dhe shkatërroi plotësisht Asamblenë Kombëtare, shkruan BBC, transmeton Shqip.com.
Policia ka arrestuar një të dyshuar i cili do të dalë në gjykatë ditën e martë për akuzën e zjarrvënieve, thyerjes së shtëpisë dhe vjedhjes.
Sipas autoriteteve, zjarri është përhapur më lehtë pasi qilimat dhe dyshemetë janë prej druri.
Zëdhënësi parlamentar, Moloto Mathapo, i tha TimesLive të Afrikës së Jugut se disa zjarrfikës kishin “punuar gjatë gjithë natës” për të parandaluar zjarret e mëtejshme.
Por, vetëm 12 zjarrfikës ishin në vend kur zjarri përfshiu përsëri Asamblenë Kombëtare të hënën, sipas agjencisë së lajmeve AFP.
Një përditësim nga këshilli i qytetit në orën 22:00 me orën lokale (20:00 GMT) tha se kati i katërt dhe i pestë i ndërtesës ishin shkatërruar plotësisht. Nuk dihet menjëherë nëse zjarri ishte shuar.
Të dielën, presidenti Cyril Ramaphosa – i cili pranoi se sistemi spërkatës i ndërtesës nuk kishte funksionuar siç duhet – lavdëroi zjarrfikësit për reagimin ndaj “ngjarjes së tmerrshme dhe shkatërruese”../SHQIP.com