SBASHK: S’e respektojmë vendimin e MASHTI-t, këtë të shtunë s’do ketë mësim
Sindikata e Bashkuara e Arsimit, Shkencës dhe Kulturës, nuk ka pranuar vendimin e Ministrisë së Arsimit, Shkencës dhe Teknologjisë për zëvendësimin e orëve të humbura.
Kryetari i SBASHK-ut, Rrahman Jashari ka thënë se vendimi i MASHTI ishte i ngutshëm.
“Ministrja Nagavci solli vendim të njëanshëm. Ne si SBASHK nuk do ta respektojmë vendimin dhe këtë të shtunë nuk do të ketë zhvillim të procesit mësimor” ka thënë Jashari.
Ai më tutje ka deklaruar se janë në pritje të ftesës për takim nga ministrja, Arbërie Nagavci, për të diskutuar lidhur më këtë vendim.
Ministrja e Arsimit, Arbërie Nagavci, ka thënë se orët e humbura mësimore në shtator si pasojë e grevës pesë javëshe, duhet të zëvendësohen sipas vendimit që ka nxjerr MASHT-i para disa ditësh.
Bazuar në planin e ministrisë, orët e humbura për shkak të grevës do të zëvendësohen në muajt tetor, nëntor, dhjetor dhe janar.
Kryetari i Këshillit të Prindërve, Jeton Demi, ka thënë se do të bojkotojnë orët e humbura të mësimit pas përfundimit të grevës.
/Shqip.com