Rutte pas vizitës në Kosovë: Jemi të shqetësuar, bëjmë thirrje për normalizim të situatës

Kryeministri i Holandës, Mark Rutte, pas vizitës në Kosovë, u ka bërë thirrje palëvë që të fokusohen në dialog.

Rutte, tha se stabiliteti në rajon ka rëndësi të madhe.

“Jemi thellësisht të shqetësuar për rritjen e tensioneve ndërmjet Serbisë dhe Kosovës. Prandaj, ne u bëjmë thirrje të dyja palëve që të angazhohen në dialogun e udhëhequr nga BE-ja, për të de-përshkallëzuar dhe në fund të normalizimit të marrëdhënieve”, tha ai.

Tutje, ai tha se Holanda dhe Luksemburgu kanë punuar së bashku për më shumë se 75 vjet për sigurinë, prosperitetin dhe lirinë.

“Shpresojmë që bashkëpunimi i zgjeruar rajonal do të kontribuojë gjithashtu në stabilitetin dhe prosperitetin për vendet e Ballkanit Perëndimor”, ka shkruar tutje ai.

Ndër të tjera, Rutte, tha se Holanda dhe Luksemburgu ishin ndër grupet e para të vendeve që njohën pavarësinë e Kosovës në vitin 2008 dhe se përfshirja e tyre në Kosovë dhe në Ballkanin Perëndimor ka qenë e pazbehur që atëherë.