Rrëshqitja e dheut në Itali: Ekipet e shpëtimit kërkojnë të zhdukurit

Ekipet e shpëtimit në Itali janë ende në kërkim të personave të zhdukur pas një rrëshqitjeje masive në ishullin Ischia, afër Napolit, duke shkatërruar shtëpi dhe duke tërhequr zvarrë makina në det.

Tre persona janë konfirmuar të vdekur. Disa të tjerë mbeten të pagjetur.

Më shumë se 100 zjarrfikës, si dhe zhytës dhe njësi tokësore, janë vendosur në Ischia, tha Ministri i Brendshëm i Italisë, Matteo Piantedosi.

Rrëshqitja e dheut erdhi pas ditëve të shiut të pamëshirshëm në Italinë jugore.

Dy ditë më vonë, makinat e shkatërruara shihen të grumbulluara njëra mbi tjetrën, të cilat janë shtypur nga forca e rrëshqitjes së dheut, raporton BBC.

Punëtorët kanë mbërritur me fadroma dhe kanë filluar të përpiqen të pastrojnë rrugët e shpërndara me mbeturina dhe baltë. Por dëmi duket të jetë i madh.

Qeveria ka miratuar një gjendje të jashtëzakonshme, duke caktuar një shumë fillestare prej 2 milion euro për të ndihmuar në rindërtimin e shtëpive.