Rezultatet e para preliminare të zgjedhjeve parlamentare dhe presidenciale në Serbi

Kreu i komisionit zgjedhor të qytetit të koalicionit të Bashkuar për Fitoren e Serbisë, Branimir Kuzmanoviq, tha se opozita ka shumicën në Beograd.

“Dua t’ju njoftoj se opozita ka shumicën në Beograd. Kur them opozitë, kam parasysh koalicionin tonë, koalicionin Ne duhet dhe koalicionin NADA”, tha Kuzmanoviq, transmeton Nova.rs.

Sipas rezultateve të para preliminare të publikuara nga Ipsos/CeSID, bazuar në 55.6 për qind të mostrës së përpunuar në zgjedhjet presidenciale në Serbi, lideri i SNS-së, Aleksandar Vuçiq, ka fituar më shumë vota.

Kandidati i opozitës Zdravko Ponos duhet të ketë marrë 17.1 për qind të votave, raporton Vijesti.

Sipas rezultateve të para preliminare të publikuara nga IPSOS/CeSid në bazë të 62.5 për qind të mostrës së përpunuar në zgjedhjet parlamentare në Serbi, lista “Aleksandar Vuçiq – Së bashku mund të bëjmë gjithçka” ka fituar më shumë vota, për të cilën 43,6 për qind e votuesit votuan.

Në vendin e dytë janë të bashkuarit për fitoren e Serbisë me 12,8 për qind, dhe në vendin e tretë është SPS me 11,6 për qind.