Protestuesit e OVL-UÇK-së: Largoni gazetarët, send s’na vyejnë
Shqip
Po vazhdon të mbahet protesta e veteranëve të Ushtrisë Çlirimtare të Kosovës pasi po shprehin kundërshtinë lidhur me aprovimin në parim të Projektligjit për rritjen e pagës minimale ku nuk përfshihen pensionet e veteranëve.
Disa prej protestuesve nuk iu duket e arsyeshme prania e mediave pasi sipas tyre, “po zënë vend në protestë”.
“Këta gazetarët, kamerat, reporterët krejt i kisha largu, kurgjo s’na vyjnë” – u dëgjua duke thënë një protestues.
Protesta e veteranëve vjen pasi Kuvendi i Kosovës të martën, e ka kaluar projektligjin që i hap rrugë rritjes së pagës minimale në 264 euro.
Këta të fundit organizuan edhe një protestë tjetër e cila u mbajt më 6 qershor, dhe e cila e kishte penguar vazhdimin e seancës së paraparë për atë ditë, kur projektligji nuk qe miratuar në mungesë kuorumi./Shqip.com
