Zbulohen mesazhet e presidentit të Federatës spanjolle

Presidenti i Federatës spanjolle, Luis Rubiales është vënë përsëri në qendër të kritikave, pasi u zbuluan disa mesazhe ku dyshohet se ka nënçmuar disa nga skuadrat e La Ligas.

Media spanjolle El Confidencial publikoi një seri mesazhesh të WhatsApp që dyshohet se janë dërguar nga Rubiales duke kritikuar tri klubet.

Lajmi i El Confidencial përfshinte mesazhe që pretendonin se Rubiales i kishte thënë një anëtari të familjes se shpresonte se Sevilla të humbiste ndeshjen e saj kundër Real Madridit gjatë ndeshjes në vitin 2020.

“Le të shohim nëse mund ta fshijmë dyshemenë me ta. Ata janë skuadrat që më pëlqejnë më së paku, duke përjashtuar një nga të gjitha”, thuhej në mesazh.

Duke iu përgjigjur babait të tij, i cili tha se nuk i pëlqente Sevilla dhe Valencia, Rubiales shtoi:

“Për mua, në këtë renditje, janë Villarreal, Sevilla dhe Valencia”.

Të martën, të tri klubet lëshuan një deklaratë ku thuhej se Rubiales kishte treguar mosrespektim të madh dhe i kërkuan atij që të rregullonte gjërat, dhe t’u kërkonte falje publikisht tri klubeve dhe tifozëve të tyre.