Presidenti i Afrikës së Jugut i zhgënjyer

Presidenti i Afrikës së Jugut, Cyril Ramaphosa, ka dënuar ndalimet e udhëtimit të miratuara kundër vendit të tij dhe fqinjëve të Afrikԯs së Jugut pasi u zbulua varianti Omicron i COVID-19.

Ramaphosa tha se ishte “thellësisht i zhgënjyer” nga veprimi, të cilin ai e përshkroi si të pajustifikuar dhe bëri thirrje që ndalimet të hiqen urgjentisht.

Britania e Madhe, Bashkimi Evropian dhe Shtetet e Bashkuara tw Amerikws janë ndër ata që kanë vendosur ndalime të udhëtimit.

Omicron është klasifikuar si një “variant i shqetësimit”. Dëshmitë e hershme sugjerojnë se ka një rrezik më të lartë të ri-infeksionit.

Varianti me mutacion të madh u zbulua në Afrikën e Jugut në fillim të këtij muaji dhe më pas u raportua në Organizatën Botërore të Shëndetësisë, të mërkurën e kaluar.

Varianti është përgjegjës për shumicën e infeksioneve të gjetura në provincën më të populluar të Afrikës së Jugut, Gauteng, gjatë dy javëve të fundit, dhe numri i rasteve të “duket se po rritet pothuajse në të gjitha provincat” në vend, sipas OBSH.

Afrika e Jugut raportoi 2,800 infeksione të reja të dielën, një rritje nga mesatarja ditore prej 500 në javën e kaluar.

Këshilltari i qeverisë dhe epidemiologu Salim Abdool Karim, tha se ai priste që numri i rasteve të arrijë në më shumë se 10,000 në ditë deri në fund të javës dhe që spitalet të vihen nën presion në dy deri në tre javët e ardhshme.

Por, ministri i Shëndetësisë Joe Phaahla tha se nuk kishte “absolutisht nevojë për panik”.

“Ne kemi qenë këtu më parë,” shtoi ai, duke iu referuar variantit Beta të identifikuar në Afrikën e Jugut dhjetorin e kaluar.

Të hënën, Japonia u bë vendi i fundit që rivendosi kufizimet e ashpra kufitare, duke ndaluar të gjithë të huajt të hyjnë në vend nga 30 nëntori.

OBSH ka paralajmëruar kundër vendeve që vendosin me nxitim kufizimet e udhëtimit, duke thënë se ata duhet të shikojnë në një “qasje të bazuar në rrezik dhe shkencore”. /Shqip.com