Policia për vrasjen në Deçan: Dyshohet se është kryer me kallashnikov

Policia e Kosovës ka njoftuar se dyshohet që sulmi ndaj autobusit ku mbetën të vrarë tre persona në Gllogjan, është kryer me “kallashnikov AK-47”, përcjell Shqip.com.

Përmes raportit 24-orësh, PK bëri të ditur se shoferi i  autobusit ka pësuar lëndime vdekje-prurëse dhe ka ndërruar jetë në vendin e ngjarjes.

Kurse, dy viktimat, një mashkull dhe një femër, kanë ndërruar jetë në Spitalin Rajonal të Pejës, kurse një i plagosur është duke u trajtuar  edhe më tej në Spital.

“Është raportuar se një autobus derisa ishte duke bartur udhëtarë (nxënës) është sulmuar me armë zjarri (dyshohet të jetë AK-47) nga një i dyshuar i panjohur. Në këtë rast lëndime vdekje-prurës ka pësuar drejtuesi i autobusit,  viktima mashkull  kosovar, vdekjen e të cilit e ka konstatuar ekipi mjekësor në vendin e ngjarjes.

Ndërsa tri viktima, dy meshkuj  dhe një femër (nxënës) janë dërguar në  Spitalin Rajonal Pejë, dy prej tyre kanë ndërruar jetë (një mashkull dhe një femër ) ndërsa viktima tjetër është duke u trajtuar në spital”, thuhet ndër tjerash në njoftim.

Po ashtu, PK ka njoftuar se i dyshuari për vrasjen në Gllogjan të Deçanit gjendet ende në arrati./SHQIP.com