Përballja ndërmjet Usykit dhe Joshuas pritet të zhvillohet në gusht
Shqip
Ndeshja e Anthony Joshua kundër Oleksandr Usyk ka të ngjarë të zhvillohet më 20 gusht në Lindjen e Mesme.
Usyk mundi Joshua me pikë vitin e kaluar për të fituar titujt WBO, IBF dhe WBA, shkruan CNN.
Një datë e 23 korrikut ishte caktuar për ndeshjen e kthimit, por promovuesi i Usyk, Oleksandr Krasyuk tha se atyre u është thënë të përgatiten për datën e mëvonshme.
Arabia Saudite pritet të jetë nikoqir i ndeshjes së kthimit, pavarësisht shqetësimeve në lidhje me të drejtat e njeriut në vend.
Joshua, 32, ka luftuar në Arabinë Saudite një herë më parë kur mundi Andy Ruiz Jr në revanshin e tyre në vitin 2019.
Është hera e dytë që shtyhet ndeshja e shumëpritur mes Usyk dhe Joshua.
Pasi Usyk dominoi përballjen e parë kundër britanikut në stadiumin e Tottenham Hotspur shtatorin e kaluar, Joshua aktivizoi menjëherë klauzolën e tij të revanshit dhe shpresonte të luftonte sërish në maj.
Por pushtimi rus i Ukrainës dhe vendimi i Usyk për të qëndruar në shtëpi për të ndihmuar përpjekjet e luftës i detyruan organizatorët të vonojnë ndeshjen.
Usyk, 35 vjeç, u largua nga Ukraina në mars për të filluar stërvitjen, ndërsa Joshua ka kaluar kohën e tij larg ringut duke u përpjekur të riorganizojë grupin e tij të stërvitjes, ndërsa kërkon të rifitojë rripat./Shqip.com
