Për herë të parë, pesë studentë nga Kosova do të studiojnë në Akademinë e Forcave të Armatosura të Shqipërisë

Për herë të parë, pesë studentë nga Kosova do të ndjekin studimet në Akademinë e Forcave të Armatosura të Shqipërisë, njofton Shqip.com.

Këtë e ka bërë të ditur ministri i Mbrojtjes, Armend Mehaj, i cili tha se studentët do të ndjekin studimet në nivelin bachelor, në programin e Shkencave Ushtarake.

“Në kuadër të realizimit të bashkëpunimit të mbrojtjes me Republikën e Shqipërisë, për herë të parë, pesë studentë nga Kosova  do të ndjekin studimet në Akademinë e Forcave të Armatosura të Shqipërisë.

Studentët tanë, së bashku me kolegët e tyre, vëllezër e motra studentë nga Republika e Shqipërisë, do të ndjekin studimet në nivelin e studimeve bachelor, në programin e Shkencave Ushtarake”, shkroi ai.

Tutje, Mehaj tha se bashkëpunimi në fushën e mbrojtjes mes Kosovës dhe Shqipërisë, nuk është interes vetëm id y vendeve, por edhe për sigurinë dhe stabilitetin e rajonit dhe më gjerë./SHQIP.com