Osmani udhëton të martën për vizitë dyditore në Gjermani

Presidentja e Kosovës, Vjosa Osmani, të martën të martën do të udhëtojë për vizitë zyrtare dyditore në Gjermani, ku do të ketë takime të nivelit të lartë.

Sipas burimeve të Shqip.com brenda Presidencës, ajo do të takohet me presidentin e Gjermanisë, Frank-Walter Steinmeier, me ministrin e Jashtëm gjerman, Heiko Maas, si dhe do të ketë takime tjera të nivelit të lartë.

Osmani do të qëndrojë në Gjermani nga 14 deri më 16 shtator.

Në anën tjetër, kancelarja gjermane, Angela Merkel, pritet të arrijë në Tiranë gjatë paradites të së martës, në kuadër të vizitës së saj lamtumirëse në Ballkan, e cila lidhet me Procesin e Berlinit.

Ajo do të pritet me një ceremoni në pallatin e Brigadave në orën 10:20, për të vazhduar më tej me takimin që do ta zhvillojë me kryeministrin e Shqipërisë, Edi Rama./SHQIP.com