Osmani udhëton në Washington, marr pjesë në takimin e liderëve të konferencës së Mynihut

Presidentja e Kosovës, Vjosa Osmani ka udhëtuar nga Kosta Rika në Washington, për të marrë pjesë në Takimin e Liderëve të konferencës së Mynihut

Në një njoftim nga Presidenca bëhet e ditur se Osmani dhe përfaqësues të shteteve të tjera pjesëmarrës të Konferencës do të mblidhen për të diskutuar rreth situatës së sigurisë në Evropë pas agresionit rus në Ukrainë dhe forcimin e partneritetit transatlantik.

“Përgjatë konferencës, Presidentja do të flasë në panelin për sigurinë energjetike si dhe në disa evente të tjera. Kjo konferencë do t’i bashkojë dhjetëra vendimmarrës dhe ekspertë të lartë nga të dy anët e Atlantikut për diskutuar se si partnerët transatlantikë mund të ndërtojnë një aleancë më të qëndrueshme dhe ta avancojnë bashkëveprimin dhe udhëheqjen e përbashkët në sfidat e sigurisë, duke përfshirë luftën aktuale në Ukrainë”, thuhet në njoftim.

Presidentja e Kosovës kishte udhëtuar për vizitë zyrtare në Panama dhe Kosta Rika.

Osmani, gjatë vizitës në Panama u prit nga homologu i saj, Laurentino Cortizo Cohen.

E para e shtetit të Kosovës ka marr pjesë në inaugurimin e Presidentit të ri të Kosta Rikës, Rodrigo Chaves.