Osmani: Synimi i forcave serbe ishte spastrimi etnik dhe shfarosja e popullit shqiptar
Shqip
Presidentja e Kosovës, Vjosa Osmani përkujton 23-vjetorin e Masakrës në Qyshk, Zahaq, Llabjan dhe Pavlan.
Osmani ka thënë se synimi i focave serbe ishte spastrimi etnik i kësaj pjese dhe shfarosja e popullit shqiptar.
“Synimi i forcave serbe ishte spastrimi etnik i kësaj pjese dhe shfarosja e popullit shqiptar. Secili nga këta të vrarë është pjesë e historisë së Kosovës, e përpjekjes për liri dhe shtet. Sikurse në shumë masakra të tjera edhe në këtë rast drejtësia po vonohet. Vendosja e drejtësisë jo vetëm për këtë rast, por për të gjitha masakrat që u kryen në Kosovë është përkushtim i yni i vazhdueshëm sepse paqja afatgjatë është e mundur vetëm atëherë kur ka drejtësi”, ka thënë Osmani.
Osmani ka thënë se forcat e regjimit gjenocidal serb vranë e masakruan barbarisht 44 civilë në Qyshk, 17 në Zahaq, 21 në Pavlan dhe 13 në Llabjan./Shqip.com
