‘Odesa përtej kufijve – Odesa në PriFest’, Prishtina mirëpret artistët ukrainas

Festivali i Filmit Odessa nga Ukraina, do të jetë pjesë e edicionit të 14-të të PriFest.

Në shenjë mbështetjeje dhe solidariteti, PriFest – Festivali Ndërkombëtar i Filmit në Prishtinë do të jetë nikoqir i OIFF – Festivalit Ndërkombëtar të Filmit në Odesa (Ukrainë).

Kështu është bërë e ditur nga faqja zyrtare e festivalit.

Me moton “Odesa IFF përtej kufijve: Odesa në PriFest”, Prishtina International Film Festival do të mundësoj hapësirën që OIFF të mbajë një pjesë të programit në Prishtinë, gjatë kohës së këtij edicioni të PriFest.

Kosova vazhdimisht ka bashkëpunuar me Festivalin e Odessës dhe për shkak të situatës në Ukrainë do ta mbështesë në këtë mënyrë.

Festivali i Filmit “Prishtina International Film Festival”, do të mbahet në datat 23-28 gusht.

Kujtojmë që themeluesja e PriFest, Vjosa Berisha ka vdekur më 23 qershor të këtij viti, pasi u përball me sëmundjen e kancerit.