Një test i syve mund të parashikojë rrezikun e sëmundjes së zemrës

Skanimi i pjesës së brendshme të syrit të dikujt mund të parashikojë rrezikun e një vdekjeje të hershme, sugjeron një studim.

Shkencëtarët kanë zhvilluar një program që mund të dallojë shenjat e hershme paralajmëruese të një problemi të zemrës, shkruan Dailymail.

Ai funksionon duke matur trashësinë e arterieve dhe venave të vogla në pjesën e prapme të syrit, të cilat mendohet se mbajnë informacion kyç për shëndetin e zemrës.

Problemet me qarkullimin e gjakut mund të shkaktojnë trashje të enëve të gjakut në retinë, duke çuar përfundimisht në humbjen e shikimit pa trajtim.

Mjekët thanë se testi ofronte një alternativë që ishte ‘jo invazive’ dhe mund të përdoret për të kontrolluar shëndetin e zemrës gjatë kontrolleve të rregullta të syve.

Nuk ka udhëzime se sa shpesh duhet të kontrollohet dikush për sëmundje të zemrës.

Ata rekomandojnë gjithashtu teste të rregullta për presionin e gjakut dhe kontrolle për nivelet e glukozës në gjak çdo tre vjet.

Testet zakonisht bëhen duke marrë parasysh moshën, gjininë, statusin e pirjes së duhanit dhe presionin e gjakut për të përcaktuar rrezikun nga sëmundjet e zemrës. Mjekët gjithashtu shikojnë nivelet e kolesterolit, kështu që ata kërkojnë një test gjaku.

Metoda e re përdori imazhe të enëve të gjakut të retinës, e cila fotografon pjesën e pasme të syrit për të treguar enët e gjakut së bashku me nervin optik.

Përdoret nga mjekët gjatë testeve të syrit për të kontrolluar për probleme shëndetësore, të tilla si degjenerimi i retinës – dhe glaukoma ku nervi optik është dëmtuar.

Ata zhvilluan një program kompjuterik që mund të lexojë skanimet për të marrë mijëra matje të gjerësisë së enëve të gjakut nëpër retinë.

Rezultatet përdoren më pas krahas moshës së dikujt, statusit të duhan pirjes dhe historisë mjekësore, për të vlerësuar rrezikun e vdekjes nga sëmundjet e zemrës.

Dr Alicja Rudnicka, një epidemiologe dhe të tjerë thanë se kjo jepte një ‘parashikim më të mirë’ për rrezikun nga sëmundjet e zemrës sesa metodat aktuale.