Ndiheni të lodhur dhe pa energji gjatë gjithë kohës? Ja arsyet pse

Ndiheni të lodhur gjatë gjithë kohës? Edhe pse mungesa e gjumit është arsyeja më e zakonshme dhe e dukshme e lodhjes, nuk është shkaku i vetëm i lodhjes suaj.

Cilësia e gjumit tuaj

Nuk është e nevojshme të keni pagjumësi që të ndiheni të lodhur. Ndoshta po flini mjaftueshëm, por jo gjumë cilësor, gjë që nuk ju ndihmon të pushoni vërtet. Mjekët besojnë se kjo është për shkak të ritmit të shpejtë të jetës dhe faktit që përdorim shumë pajisje elektronike. Si rezultat, truri vazhdon të jetë aktiv, edhe kur mendoni se jeni duke fjetur.

Ushtrimet

Ose ushtroheni shumë ose nuk ushtroheni fare. Stërvitjet e shpeshta me intensitet të moderuar mund të zvogëlojnë lodhjen. Megjithatë ushtrimet e vështira mund të shkaktojnë një rritje të kortizolit dhe vuajtje në trupin tuaj, shkruan Living.

Sigurohuni që të bëni mjaftueshëm ushtrime, madje edhe të shkoni për një shëtitje ndonjëherë është e mjaftueshme.

Dieta juaj

Të hash ushqime me proteina që sigurojnë energji nuk do të thotë që dieta juaj është e ekuilibruar. Duhet të përfshini frutat, perimet, produktet e qumështit dhe proteinat në menunë tuaj ditore për të pasur energjinë që ju nevojitet gjatë gjithë ditës.

Stresi është fajtor që nuk mund të pushoni

Kortizoli, domethënë, hormoni i stresit është në nivelin më të lartë në mëngjes dhe më të ulët pasdite. Stresi kronik e shkatërron këtë model, nivelet e kortizolit nuk bien gjatë natës, kështu që shanset për një gjumë të qetë janë të pakta.