Lajme

Nasim Sahiti nuk është më drejtor në Drejtorinë të Krimeve Ekonomike

Zyra për informim në Policinë e Kosovës, ka njoftuar se Nazim Sahiti nuk është më drejtor në Drejtorinë për Hetime të Krimeve Ekonomike.

Atij i është ndryshuar pozita – do të jetë këshilltar në Drejtorinë Rajonale Policore në Prishtinë.

“Referuar kërkesës suaj, u informojmë se zyrtari në fjalë, është sistemuar në pozitën këshilltar në Drejtorinë Rajonale Policore të Prishtinës”, u tha nga Policia për SHQIP.

Sahiti edhe në të kaluarën ishte larguar nga pozita e të parit në Drejtorinë për Hetime të Krimeve Ekonomike.

Por, gjykata kishte vendosur në favor të tij – ta rikthente aty ku ishte. /SHQIP.COM