Muzeu Etnologjik pasurohet me 11 eksponate të reja
Publikuar:
(15.11.2022 13:40:31)
Mërgimtari nga Kosova, që jeton dhe vepron në Holandë, i ka dhuruar 11 eksponate të shek XIX, për Muzeun Etnologjik të Kosovës.
Ajet Kida, me prejardhje nga Gjakova, i dhuroj eksponatet e familjes së tij.
Sipas njoftimit të Muzeut, eksponatet i kanë takuar familjes Kida nga Cërmjani i Dushkajës së Gjakovës dhe kanë qenë pjesë e enëve dhe orendive të kullës së vjetër mbi 250 vjeçare.
Fondi i muzeut, po vazhdon të pasurohet me eksponate që kanë histori, e që po dhurohen nga vetë qytetarët.
Muzeu Etnologjik i Kosovës, është ndër vendet më të vizituara kulturore në Kosovë.
/Shqip.com