Muskuj të fortë dhe të shëndetshëm – duhet të konsumoni këto fruta

Nëse po përpiqeni të mirëmbani ose të shëroni muskujt, atëherë frutat kan proteinat e nevojshme.

Kaliumi që ato përmbajnë ndihmon muskujt, karbohidratet parandalojnë djegien e muskujve dhe antioksidantët i mbrojnë ato nga dëmet e oksidimit.

Kaliumi është një mineral që promovon ekuilibrin e elektroliteve, por ai bën më shumë se kaq.

Ju keni nevojë për kalium të mjaftueshëm për të rritur nivelin e proteinave dhe masës muskulare.

Çdo frut mund të plotësojë nevojën ditore për kalium, por pjepri, banania, portokalli, kivi, kumbullat dhe kajsitë janë veçanërisht të mira.

Karbohidrate dhe proteina

Karbohidratet i japin organizmit energji, por nëse nuk merrni mjaftueshëm atëherë trupi do të djegë muskujt për të marrë energji.

Studimet tregojnë se nëse keni aktivitet të fortë fizik dy herë në javë, atëherë të paktën gjysma e kalorive tuaja duhet të burojë nga karbohidratet që janë ushqyesit makro në çdo frut dhe rrjedhimisht janë një zgjedhje e shëndetshme për muskujt.

Zgjidhni rrushin, dardhën, qershitë, ananasin dhe hurmat e Arabisë.

Antioksidantët mbrojnë muskujt

Aktiviteti i fortë fizik shkakton reagime kimike që dëmtojnë qelizat, ndaj sigurohuni të merrni shumë antioksidantë dhe kryesisht nga ushqimi.

Frutat janë më të pasurat me antioksidantë, përfshirë vitaminën C, karotenoidët dhe flavonoidët, shkruan Agroweb.

Furnizohuni me antioksidantë që të mbroni muskujt duke konsumuar më shumë agrume, qitro, mollë dhe fruta pylli.

Përzijeni frutin e preferuar me kos dhe merrni ushqyesit për të cilat trupi ka nevojë për të ardhur në formë dhe për t’u ndjerë më të gjallëruar.