Mori kryesimin e Këshillit të BE-së, Çekia vendos si prioritet liberalizimin e vizave për Kosovën

Nga data 1 korrik, Këshilli i Bashkimit Evropian do të vazhdojë nën kryesimin e Republikës së Çekisë.

Mandati i saj do të zgjasë deri në fund të këtij viti, me Francën që e kishte këtë pozitë për gjashtë muajt e parë.

Udhëheqësi i Ambasadës së Çekisë në Kosovë, Pavel Bilek, dhe ambasadori i BE-së në Kosovë, Tomas Szunyog, kanë mbajtur një ceremoni në Prishtinës ku kanë prezantuar prioritetet e Çekisë gjatë kryesimit të Këshillit të BE-së.

Ai ka thënë se sa i përket specifikisht Kosovës, Çekia prioritet ka caktuar dialogun Kosovë-Serbi dhe çështjen e liberalizimit të vizave.

“Normalizimi i marrëdhënieve mes Kosovës dhe Serbisë dhe liberalizimi i vizave për Kosovën”, ka shtuar ai.

Të pranishëm në këtë ceremoni ishte edhe presidentja Vjosa Osmani, kryeministri Albin Kurti dhe përfaqësues tjerë politikë, e nga shoqëria civile.

Nga janari deri më 30 qershor, kryesimin e Këshillit të BE-së e kishte Franca./SHQIP.com

Proud to have joined today Chargé d’ Affaires of the🇨🇿Embassy in🇽🇰, Pavel Bílek, President @VjosaOsmaniPRKS, and Prime Minister @albinkurti, in presenting the priorities of the Czech Presidency of the Council of the🇪🇺, under the motto Europe as a Task: Rethink, Rebuild, Repower. pic.twitter.com/9GpEK3BaAP

— Ambassador Tomáš Szunyog (@EUAmbKS) July 1, 2022