Mjekët duan që ChatGPT AI të shkruajë raporte për zemrën e pacientëve

Ekspertët e zemrës duan të përdorin programin e inteligjencës artificiale ChatGPT për të shkruar raporte jetike për pacientët.

Kjo sipas ekspertëve kjo do të krijonte mundësi që mjekët të kontrollojnë më shumë pacientë.

Sipas Samer Alabed, një radiolog kardiak, programi i AI mund të trajnohet për të interpretuar dhe shkruar shënime në skanimet e zemrës.

Radiologëve u duhen 45 minuta për të analizuar këto skanime dhe më pas për të shkruar një raport.

“Nëse do të ishim në gjendje të përdornim softuer si ChatGPT për të bërë këtë punë, mund të kishim më shumë kohë për të trajtuar më shumë pacientë”.

Softueri mund të jetë gjithashtu në gjendje ta bëjë këtë në gjuhë jo mjekësore, në mënyrë që pacientët të mund të kuptojnë rezultatet e tyre pa ndihmën e një mjeku.

Alabed dhe ekipi i tij tashmë po eksperimentojnë me programin dhe shpresojnë që së shpejti të krijojnë një provë klinike që përfshin një grup të madh pacientësh me sëmundje të zemrës.

Alabed beson se i gjithë procesi mund të kryhet tërësisht nga AI.

Sidoqoftë, ai shton se ekipi ende po has probleme me ChatGPT të cilat duhet të adresohen përpara se softueri të mund të përdoret në NHS.