Art Jetese

Mënyra se si mund të përmirësoni shëndetin e tiroides

Tiroidja është një komponent thelbësor i mirëqenies së trupit tuaj, ndaj duhet të kujdeseni dhe ta mbroni atë.

Shumë persona në mbarë botën vuajnë nga një formë e sëmundjes së tiroides, ku hipertiroidizmi dhe hipotiroidizmi janë më të zakonshmet.

Më poshtë njiheni me pesë këshilla se si ta bëni këtë gjëndër kaq të rëndësishme të funksionojë sa më mirë.

Merrni vitamina dhe lëndë ushqyese

Vitaminat dhe lëndët ushqyese janë të dobishme për të luftuar disa nga shkaqet e zakonshme të problemeve të tiroides si proceset autoimune dhe inflamacionet.

Ndër to mund të përfshini selenin, zinkun, hekurin, vitaminën D, vitaminën B, vitaminën A dhe E.

Reduktoni kafeinën

Kafeina shpejton metabolizmin tuaj. Kjo mund të shkaktojë lehtësim të përkohshëm të simptomave të hipotiroides, por gjithashtu mund të sjellë më shumë stres në gjëndrën tuaj.

Përveç kësaj, njerëzit me sëmundje të tiroides që marrin hormone kanë zbuluar se kafeina mund të bllokojë përthithjen e saj, shkruan agroweb.

Reduktoni glutenin

Edhe pse kërkimet vazhdojnë, disa studime tregojnë se reduktimi i marrjes së glutenit mund të ndihmojë me simptomat e hipotiroidizmit.

Gluteni gjendet natyrshëm në ushqime si gruri, elbi dhe thekra, dhe mund të përdoret gjithashtu si një shtesë ushqimore.

Mundohuni të largoni stresin

Stresi mund ta përkeqësojë gjendjen tuaj nëse vuani nga ndonjë çrekullim që lidhet me tiroiden, pasi mund të shkaktojë ngadalësimin e metabolizmit të trupit.

Ka shumë mënyra për ta larguar atë, si joga, meditimi dhe ushtrimet e frymëmarrjes.

Bëni ushtrime fizike

Ushtrimet fizike mund të lehtësojë shumë nga simptomat që lidhen me hipotiroidizmin. Po ashtu mund të përmirësojë shëndetin kardiovaskular dhe masën muskulore.

Vrapimi, ecja me një ritëm të shpejtë ose të luash një sport të caktuar, mund të përmirësojë shëndetin kardiak.

Përfitimet e lidhura me përmirësimin e humorit mund të lehtësojnë simptomat e tjera të hipotiroidizmit, duke përfshirë depresionin dhe lodhjen.

/Shqip.com