Më shumë se gjysma e popullsisë në botë do të jenë mbipeshë deri në vitin 2035

Më shumë se gjysma e popullsisë së botës do të jetë mbipeshë ose obezë deri në vitin 2035, sipas një raporti të ri.

Atlasi i Federatës Botërore të Obezitetit të vitit 2023 parashikon që 51% e botës ose më shumë se 4 miliardë njerëz, do të jenë obezë ose mbipeshë brenda 12 viteve të ardhshme, raporton Reuters.

Normat e obezitetit po rriten veçanërisht shpejt tek fëmijët dhe në vendet me të ardhura më të ulëta, zbuloi raporti.

Duke i përshkruar të dhënat si një “paralajmërim të qartë”, Louise Baur, presidente e Federatës Botërore të Obezitetit, tha se politikëbërësit duhet të vepronin tani për të parandaluar përkeqësimin e situatës.

“Është veçanërisht shqetësuese të shohësh se normat e obezitetit po rriten më shpejt tek fëmijët dhe adoleshentët”, tha ajo në një deklaratë.

Raporti zbuloi se obeziteti i fëmijërisë mund të dyfishohet më shumë nga nivelet e vitit 2020, në 208 milionë djem dhe 175 milionë vajza deri në vitin 2035.

Kostoja për shoqërinë është e rëndësishme si rezultat i kushteve shëndetësore të lidhura me mbipeshën, tha federata: më shumë se 4 trilion dollarë në vit deri në vitin 2035, ose 3% e PBB-së globale.

Megjithatë, autorët thanë se nuk po fajësonin individët, por bënin thirrje për një fokus në faktorët shoqërorë, mjedisorë dhe biologjikë të përfshirë në kushte.