Mbrojtësi i West Hamit flet për videon e abuzimit me macen e tij e cila u bë virale

Mbrojtësi i West Ham, Kurt Zouma, u filmua duke goditur me shuplakë dhe shkelmuar macen e tij të përkëdhelur në fillim të këtij viti.

Zouma u gjobit me dy javë paga nga Hammers dhe u paraqit në Gjykatën e Magjistraturës së Thames në lindje të Londrës pasi video u bë virale në shkurt.

“Ka qenë një periudhë e vështirë për mua dhe familjen time”, tha 28-vjeçari për uebsajtin e West Ham të premten.

“Kam bërë diçka shumë të keqe dhe kërkoj falje përsëri për atë që kam bërë. E di që ishte shumë e vështirë për njerëzit ta shikonin dhe ta shihnin këtë dhe padyshim që më vjen shumë, shumë keq”, raporton Express.co.uk.

Reprezentuesi francez u deklarua fajtor për dy pika sipas Aktit të Mirëqenies së Kafshëve. Ai u ndalua të mbante mace për pesë vjet dhe u urdhërua të kryente 180 orë shërbim në komunitet.

West Ham u zotua se gjoba do t’i jepej një sërë organizatash bamirëse për kafshët, duke përfshirë Cats Protection, Celia Hammond Animal Trust, Hopefield Animal Sanctuary, National Animal Welfare Trust, Dispansary People’s for Sick Animals dhe Pussycat Lodge Trust.