Manchester United me ofertë 120 milionëshe për sulmuesin francez

Manchester United pritet të jetë shumë aktiv në afatin kalimtar të verës. “Djajtë e Kuq” pritet të bëjnë gati një ofertë prej 120 milionë eurosh për të marrë sulmuesin e Eintracht Frankfurt dhe Francës, Randal Kolo Muani.

Anthony Martial pritet të largohet pasi ai hyn në 12 muajt e fundit të kontratës së tij. Dhe zëvendësimi i tij mund të vijë në formën e francezit Kolo Muani, 24 vjeç.

Sipas Bild, Frankfurt mund të lejojë që sulmuesi të largohet nëse ata marrin një ofertë prej 90 milionë funtesh. Paris Saint-Germain është gjithashtu i interesuar për të sjellë yllin e Kupës së Botës në fund të sezonit.

Megjithatë, Manchester United kuptohet se po përgatit ofertën e parë zyrtare në një përpjekje për ta larguar atë nga skuadra e Bundesliga-s. Kolo Muani iu bashkua Frankfurtit me kosto zero verën e kaluar pasi kontrata e tij me Nantes skadoi.

Ai po shkëlqen në Gjermani, duke kontribuar me 16 gola dhe 14 asistime në 34 ndeshje të luajtura në të gjitha garat.