Loriana Kuka fiton medaljen e bronztë

Sukseset e xhudisteve kosovare vazhdojnë e rriten.

Xhudistja nga Kosova, Loriana Kuka ka arritur që të stoliset me medaljen e Bronztë në Grand Slamin e Abu Dabit.

Kuka ka arritur që në finale të repesazhit të mposhtë francezen Audrey Tcheumeo, duke e fituar medaljen e dytë personale në Grand Slam.

Loriana garoi në kategorinë deri 78 kilogramë dhe fitoi dy gara para se të mposhtej në çerekfinale.

Ajo pasi kaloi dy lufta u ndal nga xhudistia kineze, Ma Zhenzhao në kategorinë deri 78 kilogramë.

Kuka në rrethin e dytë mposhti britaniken Emma Reid, derisa në raundin e parë mposhti Nazerke Tileukhanova.

Në Abu Dabi, Kosova fitoi medalje edhe me Nora Gjakovën, që u rikthyer në gara pas 15 muajve, duke fituar të argjendtën në kategorinë deri 57 kilogramë.