Liverpooli superior – United se shënoi dot as golin e nderit
Shqip
Ngjashëm sikur herën e fundit (2-4) edhe sonte Liverpooli e deklasoi Manchester United.
Dy ndeshje – tetë gola.
“The Reds” kanë triumfuar me rezultat 4-0, duke mos i lënë mundësi mysafirëve ta shënojë as golin e nderit.
Golin e parë e realizoi Luis Diaz – pas vetëm pesë minutave.
Teksa, në rolin e asistuesit ishte Mohamed Salah.
U prit një përgjigje nga mysafirët – por nuk erdhi.
Teksa, në anën tjetër vendasit shënuan edhe një herë.
Salah e tundi rrjetën e David de Geas – në minutën e 23-të për të dëshmuar formë e lartë që po kalon në këtë sezon.
Ama – as rezultati 2-0 nuk i ngopi vendasit.
Ata realizuan edhe një herë – me anë të Sadio Manes, i cili është autor i 13-të golave në Premierligë.
Teksa – për epilogun përfundimtar u përkujdes Salah.
Për sulmuesin egjiptian ky ishte goli i 21-të në këtë sezon, teksa ka regjistruar edhe 12-të asistime.
Me këtë fitore, “The Reds” në vendin e parë në Premierligë, me 76 pikë të grumbulluara.
Kurse, United mbetet në pozitën e pestë – me 54 pikë të grumbulluara.
Në këtë takim – për arsye tashmë të njohura – mungon Cristiano Ronaldo, teksa nga loja i lënduar u largua Paul Pogba. /Shqip.com
