Voton Gashi i Obiliqit: Qytetarët me votën e tyre përcaktojnë zhvillimin e qytetit
Shqip
Kryetari i Iniciativës Qytetarë për Obiliqin, Xhafer Gashi, ka votuar me bashkëshorten për raundin e dytë të Zgjedhjeve Lokale.
Xhaferi që po garon për mandatin e dytë, si i pavarur ka ftuar qytetarët të dalin të votojnë.
“E diel e bukur me diell, me bashkëshorten Afërditen përfunduam obligimin tonë qytetar! Në këtë ditë të shënuar të demokracisë, ftoj gjithë qytetarët që të dalin të votojnë dhe me votën e tyre të përcaktojnë zhvillimin e qytetit të Obiliqit! Na priftë e mbara”, ka shkruar Gashi në Facebook.
Gashi më herët kishte garuar nën logon e Aleancës për Ardhmërinë e Kosovës për kryetar të Obiliqit, ndërsa herën e dyte themeloi një iniciativë qytetare.
Në balotazh është me kandidatin e Vetëvendosjes, Halil Thaçi, ndërsa diferenca në raundin e parë ishte e thellë.
Gashi kishte mbi 48 për qind, ndërsa Thaçi 20.19 për qind.
