Përmbledhje e lajmeve nga lufta Ukrainë – Rusi

Presidenti i Ukrainës Volodymyr Zelensky ka dënuar bombardimin e pandërprerë të Moskës në Mariupol, qytetin port të rrethuar nga trupat ruse në juglindje, duke e quajtur atë “një terror që do të mbahet mend për shekujt në vazhdim”.

Në minutat e fundit, zyrtarët e Mariupolit kanë thënë se forcat ruse bombarduan një shkollë ku strehoheshin 400 persona. Më herët të shtunën, zyrtarët thanë se forcat ruse po merrnin mijëra vendas nga qyteti jugor ukrainas në Rusi kundër vullnetit të tyre. BBC nuk mund të verifikojë në mënyrë të pavarur pretendimet e tyre

Këto zhvillime vijnë pas përleshjeve intensive në rrugët e Mariupolit të shtunën.

Diku tjetër në Ukrainë, forcat ruse u përmbajtën nga nisja e ofensivave dhe kaluan pjesën më të madhe të së shtunës duke rimbushur furnizimet dhe riparimin e pajisjeve të dëmtuara, sipas pretendimeve nga ushtria ukrainase.