DnV: Pjesëmarrje e ulët në zgjedhje, masat anti-COVID po respektohen kënaqshëm

Demokracia në Veprim (DnV) thotë se bazuar në raportimet e vëzhguesve të saj, procesi i votimit deri në mesditë po shoqërohet me pjesëmarrje të ulët të qytetarëve në votim, me përjashtim të komunave në veri të vendit, ku mesatarja e daljes është tri herë më e lartë krahasuar me komunat tjera.

Sipas SnV-së, deri më tani, është raportuar për nivel të kënaqshëm të respektimit të masave anti-covid nga ana e komisionerëve (𝟕𝟑%) dhe qytetarëve që po frekuentojnë qendrat e votimit është (𝟕1%).

“Vështirësitë në gjetjen e emrit në Listën e Votuesve janë të shprehura edhe në këto zgjedhje. Deri në këtë kohë, në më shumë se 1/3-tën e vendvotimeve në nivel vendi është raportuar për 1 deri në 10 raste kur qytetarët nuk e kanë gjetur emrin në Listën e Votuesve”.

“Edhe sa i përket votimit me asistencë, ky fenomen është hasur në rreth 𝟕𝟑% të vendvotimeve, por numri i rasteve sillet brenda trendeve normale (1-10 raste). Deri më tani është raportuar raste të asistencës së palejuar”, thuhet në komunikatën për media.

Ndërkohë, vëzhguesit thuhet se nuk kanë raportuar për raste të ushtrimit të presionit tek votuesit dhe nuk kanë evidentuar prani të zyrtarë të lartë politikë në Qendra të votimit.

“Vlen të përmendet që edhe ky proces po karakterizohet nga mbulueshmëri e lartë mediale”.