Lirohen nga spitali shtatë nga tetë pacientët që u helmuan nga tymi në Pejë
Shqip
Shtatë nga tetë personat që pësuan nga tymi i zjarrit që kaploi depon e e një objekti në Pejë, janë liruar për në shtëpi pas trajtimit mjekësor.
Ata ishin helmuar nga tymi i zjarrit.
Pak më herët, Spitali i Përgjithshëm i Pejës njoftoi se janë duke u trajtuar 8 pacientë nga rasti i djegies së një objekti në Pejë.
“Pacientët janë duke u trajtuar tek Spitali ynë dhe gjendja e tyre është stabile dhe jashtë rrezikut për jetë dhe janë raste kryesisht të helmuar nga tymi”, u tha në njoftimin e mëhershëm të spitalit.
/Shqip.com
