Lajme

Lajçak flet rreth dialogut me kryediplomatët e dy vendeve mosnjohëse

I dërguari i posaçëm i Bashkimit Evropian për dialogun mes Kosovës dhe Serbisë, Miroslav Lajçak, ka takuar përfaqësuesit e dy vendeve që nuk e kanë njohur pavarësinë e Kosovës.

Ai ka takuar ministrin e Punëve të Jashtme të Sllovakisë, Ratislav Kacer dhe atë të Spanjës, Jose Manuel Albares.

Lajçak ka njoftuar se në këto takime është diskutuar për përpjekjet e BE-së për normalizimin e marrëdhënieve ndërmjet Kosovës dhe Serbisë, derisa ka shtuar se e vlerëson mbështetjen e fortë të Sllovakisë për të ardhmen e rajonit në BE.

Ndërkaq, në takimin me ministrin e jashtëm spanjoll, Lajçak ka thënë se ka diskutuar për nevojën e shpejtë për progres në dialog.

Lexo edhe:
A iu vendosi Kurti ndonjë kusht ndërkombëtarëve në takimin e fundit?

Gjatë ditës, gazetari i mediumit gjerman Frankfurter Allgemeine Zeitunge, Michael Martens, ka dhënë detaje rreth bisedave të pesëshes së emisarëve të dialogut me kryeministrin e vendit Albin Kurti.

Martens ka thënë se në mesin e kërkesave të Kurtit, ka qenë edhe ajo për marrjen e njohjes nga 5 vendeve të BE-së.

/Shqip.com