Lajme

Lajçak dhe këshilltarët e Scholz e Macron arrijnë në Prishtinë, nisin takimin me Kurtin

I Dërguari i Posaçëm i BE-së për Dialogun Kosovë – Serbi, Miroslav Lajçak bashkë me këshilltarët për politikë të jashtme dhe siguri të Gjermanisë, Jens Plotner dhe të Francës, Emmanuel Bonne

I Dërguari i Posaçëm i BE-së për Dialogun Kosovë – Serbi, Miroslav Lajçak bashkë me këshilltarët për politikë të jashtme dhe siguri të Gjermanisë, Jens Plotner dhe të Francës, Emmanuel Bonne, kanë mbërritur në ndërtesën e Qeverisë së Kosovës.

Ata u pritën në takim nga kryeministri, Albin Kurti.

Zëdhënësi i Bashkimit Evropian, Peter Stano ditë më parë ka thënë se qëllimi i vizitës është përparimi i dialogut në mes Kosovës dhe Serbisë.

Kryeministri i Kosovës, Albin Kurti dhe presidenti i Serbisë, Aleksandar Vuçiq në Bruksel

Pas kësaj vizitë ata do të shkojnë edhe në Beograd për të takuar presidentin e Serbisë, Aleksander Vuçiq.

Të hënën Qeveria e Kosovës ka njoftuar se kryeministri i Kosovës, Albin Kurti, ka pranuar letër nga kancelari gjerman Olaf Scholz dhe presidenti i Francës, Emmanuel Macron.

Sipas njoftimit të Qeverisë së Kosovës, në letër thuhet se për Ballkanin Perëndimor normalizimi i plotë i marrëdhënieve ndërmjet Kosovës dhe Serbisë është i një rëndësie kruciale.

Lexo edhe:
Schloz dhe Macron i shkruajnë Kurtit, kërkojnë që këshilltarët e tyre të vizitojnë Kosovën bashkë me Lajçakun

“Normalizimi i plotë i marrëdhënieve ndërmjet Kosovës dhe Serbisë është thelbësor për Ballkanin Perëndimor”, thuhej, mes tjerash, në letër.

Ndryshe, Lajçak, bashkë me të dërguarin e SHBA-së për Ballkanin, Gabriel Escobar, qëndruan në Kosovë dhe Serbi edhe në fund të gushtit.

Pas angazhimeve të tyre diplomatike, Kosova dhe Serbia arritën marrëveshje për lëvizjen e lirë të qytetarëve, përkatësisht për heqjen e dokumenteve hyrëse/dalëse nga të dyja anët./Shqip.com

Shqip.com
Çmimet e derivateve në Kosovë Çmimi maksimal i lejuar për secilin produkt të naftës.
  • Dizel: 1.61
  • Benzine: 1.34
  • Gas: 0.76
Sot : 30/09/2022