Lahaj për dhunimin e 11 vjeçares: E përjetova thellë dhe rëndë
Shqip
Ngjarja e rëndë e dhunimit të 11 vjeçares nga pesë persona në Prishtinë, ka tronditur publikun e gjerë.
Krerë të shtetit, artistë, e persona të organeve kompetente kanë reaguar duke e dënuar rastin.
Ndërkaq, së fundmi ka reaguar edhe tenori i njohur kosovar Ramë Lahaj.
Ai përmes një postimi në rrjetin social Facebook është shprehur i prekur për rastin.
“Si vëlla i 4 motrave e dajë i 13 mbesave, e përjetova thellë dhe rëndë ngjarjen që ka ndodhë dje në Prishtinë. Mundem me thanë që përgjegjësia, turpi, marrja e degjenerimi bien mbi të gjithë ne. Fajin e kemi të gjithë! Thuhet se ishin 5 persona, e për mua kjo përfaqëson realitetin e degjenerimit momental në shoqërinë tonë! Një krim i organizuar! Zoti na ka harru, sepse kemi humbë fillimisht vetveten, dashninë e respektin për njani tjetrin, andaj edhe nuk kemi ku ngushëllohemi më”, ka shkruar Lahaj.
Po ashtu, ai ka bërë thirrje për protestën që do të mbahet nesër, më 31 gusht në Sheshin Zahir Pajaziti në Prishtinë.
Protesta do të mbahet prej orës 12:00.
