Laçi humb edhe ndeshjen kthyese ndaj Anderlecht, eleminohet nga “Conference League”
Shqip
Ka përfunduar aventura në garat e evropës edhe për skuadrën tjetër shqiptare, Laçi, shkruan Shqip.com.
Kurbinasit janë mposhtur edhe në ndeshjen e kthimit ndaj gjigandëve belg, Anderlech me rezultat 2-1.
Skuadra shqiptare u mposhtën nga belgët me rezultat të përgjithshëm 5-1, pasi në ndeshjen e parë në Shqipëri kishin humbur me rezultat 0-3.
Amazu kaloi në epërsi vendasit në minutën e 32-të për rezultatin fillestar prej 1-0.
Me epërsinë minimale të belgëve përfunduan 45 minutat e parë të ndeshjes, për t’u shënuar edhe dy gola tjerë në pjesën e dytë pastaj.
Në minutën e 72-të, gjigandi belg gjeti edhe golin e dytë të ndeshjes përmes Varschaeren, ndërsa krejt çka arriti të bëjë skuadra shqiptare ishte goli i nderit i cili u shënua nga Lushkja.
Me këtë humbje, përfundon edhe aventura e Laçit në garat evropiane./Shqip.com
