Kosova kualifikohet në “Main Round”

Përfaqësuesja e Kosovës U19 në futsall, ka shënuar fitore të në raundin preliminar të kualifikimeve për Euro 2023, që po zhvillohet në Shkup.

”Dardanët” sonte mposhtën Maqedoninë e Veriut me rezultat 6-3, duke kaluar në “Main Round” për kualifikimet e Kampionatit Evropian “Poreçi 2023”.

Ky duel solli lojë tejet interesante dhe dramatike, sidomos në pjesën e dytë. Në 20 minutat e para ishte ekipi i Maqedonisë së Veriut që u tregua më efikas, duke realizuar dy herë.

Shifrat i zhbllokoi Jusuf Josifovski, në minutën e 9-të, derisa epërsinë në 2:0 e shtoi Igor Skeoarovski, në minutën e 18-të. Megjithatë, në pjesën e dytë Dardanët patën paraqitje të shkëlqyeshme, duke përmbysur rezultatin me golat dy gola të Blend Krasniqit (29’ e 31’) dhe nga një gol të Jetnor Kabashit (21’) dhe Ideal Abdullahut (32’).

Vendasit arritën ta ngushtojnë epërsinë në minutën e 34-t nga penalltia përmes Bojan Janev 34′, mirëpo festën e Dardanëve e konfirmuan Jetnor Kabashi, me golin e tij të dytë, në minutën e 37-të dhe Blend Bajraktari me golin e minutës së 39-të, duke vendosur rezultatin përfundimtar 6:3.

Kësisoj, Kosova U19 prej 21 deri më 26 mars do t’i luajë ndeshjet kualifikuese të fazës ‘Main Round’, ku në Grupin 3, krahas Portugalisë nikoqire janë edhe Sllovakia dhe Bjellorusia.