Kosova e fillon me fitore edicionin e ri të Ligës së Kombeve
Shqip
Pas paraqitjeve të mira në mars, Kombëtarja e Kosovës ka vazhduar me performanca të mira edhe në Ligën e Kombeve.
“Dardanët” siguruan tri pikë të plota kundër Qipros, pas një paraqitje të mirë në pjesën e dytë.
Edhe pse nuk e filluan mirë ndeshjen, ata në fund triumfuan me rezultat 2:0.
Në 45 minutat e parë ndeshja e zhvilluar në kuadër të Ligës së Kombeve përfundoi 0:0.
“Dardanët” patën posedimin e topit, por rastet më të mira e patë vendasit.
Kosova pati vetëm dy raste në këtë pjesë dhe dy herë rrezikoi nga largësia.
Në pjesën e dytë ishte një histori tjetër.
Rashica e filloi furishëm këtë pjesë, duke rrezikuar tri herë brenda 10 minutave.
Fillimisht ai u gjend përpara vetëm me portierin në minutën e 55, por gjuajtja e tij u ndal dhe vetëm dy minuta më vonë sulmuesi i Premier Leagues u gjend mirë brenda zonës, por gjuajti jashtë.
Rasti i tret erdhi në minutë 63, por kësaj here Rashica nuk arriti të gjej portën nga largësia.
Pas një dominimi total, Valon Berisha e kaloi Kosovën në epërsi, ai shënoi një superegol nga jashtë zonës së rreptësisë.
🇨🇾🆚️🇽🇰 | Valon Berisha’s opener vs Cyprus. Great team gaol.
Muriqi the assist man!
🎥 @KosovarsAbroadpic.twitter.com/EzGpngX8rh
— Kosovan Football 🇽🇰 (@kosovanfooty_EN) June 2, 2022
Kosova vetëm pesë minuta më vonë pati mundësi ideale të shënonte golin e dytë, por Alitin e ndali shtylla.
Edon Zhegrova ishte ai që ia vulosi fitoren Kosovës, sulmuesi pas një depërtimi të mirë gjeti golin e fitores.
🇨🇾🆚️🇽🇰 | How about this by Edon Zhegrova?! 😍😍
🎥 @KosovarsAbroadpic.twitter.com/6mOR0OIbNE
— Kosovan Football 🇽🇰 (@kosovanfooty_EN) June 2, 2022
Ndeshjen e radhës Kosova e ka kundër Greqisë./Shqip.com
