Komuna e Prishtinës me aktivitet për nder të Deklaratës së Kushtetutshmërisë të 2 korrikut
Për nder të 2 korrikut, Deklaratës së Kushtetutshmërisë, Komuna e Prishtinës pritet që gjatë ditës së sotme të mbajë një aktivitet kulturor.
“Festa e Deklaratës së Kushtetutshmërisë”, është aktiviteti më i ri kulturor që Komuna e Prishtinës organizon për qytetarët e saj.
“Si vazhdimësi e traditës për të afruar qytetarët me hapësirën e përbashkët publike, kjo festë organizohet për herë të parë në kryeqytet, pas përqafimit të ngrohtë që qytetarët i kanë dhënë aktiviteteve të llojit të tillë”, thuhet në njoftim.
Aktiviteti pritet të nis në ora 12:00 sipas njoftimit. Pastaj është bërë e ditur se në ora 18:00 dhe në ora 19:35 do të ketë muzikë e cila pritet të vazhdojë edhe në ora 20:45 minuta.
Ky aktivitet pritet të mbahet në rrugën “2 Korriku”./Shqip.com