Komisioni kundër Racizmit në Zvicër: Anulimi i Alba Festival ishte diskriminues

Alba Festival është njëri nga eventet më të mëdha të muzikës dhe kulturës shqiptare që organizohet në Zvicër, që do të mbahet me datën 2 dhe 3 korrik.

Për dallim nga ky vit, ai i të kaluarit nuk ishte lejuar të mbahej nga Jacqueline Fehr, drejtoreshë e drejtësisë e Cyrihut.

Përgjegjësit e Festivalit Alba prisnin deri në 20,000 vizitorë para eventit vitin e kaluar, kur vendimi për anulim erdhi me arsyen se “shkalla e vaksinimit në komunitetin shqiptar është shumë e ulët dhe mbajtja e eventit është shumë e rrezikshme”.

Shumë njerëz e konsideruan vendimin e qeverisë së Cyrihut diskriminues, kryesisht për shkak se festivali përfshinte një rregullin ‘3G’, i cili lejonte vetëm personat e vaksinuar, rikuperuar apo të testuar negative të merrnin pjesë.

Megjithatë, vendimi për anulim duket se kishte baza diskriminuese ndaj shqiptarëve.

Në një raport nga Komisioni Federal i Racizmit, thuhej se “nuk kishte asnjë arsye objektive” për të justifikuar anulimin e festivalit me incidencën e lartë të infeksionit Brenda grupit të shqiptarëve, njofton srf.ch.

Arsyeja e anulimit të ngjarjes është “perceptuar me të drejtë si diskriminuese”, thuhet në letrën që disponon mediumi “NZZ” dhe “Tages-Anzeiger”.

“Në thelb, është problematike të justifikosh tërheqjen e një leje me origjinën e audiencës së synuar”, thuhet ndër tjerash në të.

Komisioni Federal kundër Racizmit dërgoi vlerësimin e tij në Departamentin e Drejtësisë së Cyrihut shtatorin e kaluar, por ai nuk u publikua kurrë nga departamenti i Fehr. 

Jacqueline Fehr më pas kërkoi falje dhe urdhëroi një hetim të pavarur nga Komisioni Federal kundër Racizmit.

Eigentlich wollte ich dieses Wochenende das alba Festival besuchen. Mein Besuch ist unterdessen aber zum politischen Thema geworden. Deshalb habe ich gestern Abend mit Adem Morina, dem Veranstalter des alba Festivals telefoniert. Er hat mich dabei erneut ans Festival eingeladen.

— Jacqueline Fehr (@jacquelinefehr) July 1, 2022

Ndërsa tani, Fehr është shprehur se nuk do të marrë pjesë në edicionin e sivjetëm, me arsyen se çështja u politizua dhe nuk ngurroi t’u urojë pjesëmarrësve të tjerë për festivalin.

Përndryshe, emra të njohur të estradës, si: Mozzik, Getinjo, Lyrical Son, Mc Kresha, Tayna, Dafina Zeziri, Dhurata Dora e shumë të tjerë kanë konfirmuar prezencën e tyre në Alba Festival. /Shqip.com