Klopp: Mane dhe Salah nuk pijnë alkool, të dy janë forcë e natyrës
Jurgen Klopp ka lavdëruar dyshen Mohamed Salah dhe Sadio Mane pas rrugëtimit të tyre në “AFCON”.
Ai nuk kurseu lavdatat për dyshen në fjalë, teksa tha se – ata qëndrojnë në top formë sepse nuk pinë alkool.
“Ata nuk pinë alkool, prandaj ata ishin në formë ditën pas ndeshjes. Të dy janë forcë e natyrës, dhe shpresoj që do qëndrojnë kështu gjithmonë! Për Salah ishin vetëm disa ditë pushim [pas Kupës], Mane një javë pasi ishin disa festa ndërmjet që ishte në rregull, por jo, nuk jam i befasuar”, u shpreh Klopp.
Dyshja u kthyen në formacionin startues të Liverpoolit në fitoren në Burnley të dielën, pavarësisht shfrytëzimit të tyre në Kameroon, ku ata luajtën 7 ndeshje para se Senegali i Manes ta mposht Egjiptin e Salah në penallti në finale.
Të dy, me gjasë do të luajnë në ndeshjen e parë të Liberpoolit në të 1/16 e finales së Ligës së Kampionëve si mysafirë të Interit të mërkurën, dhe Klopp thotë se një nga faktorët kryesorë që i ka mundësuar dyshes të ri-kthehen shumë të freskët dhe shumë shpejtë është fakti se asnjëri nuk pinë alkool.
Trajneri gjerman, po ashtu foli edhe për ndeshjen ndaj Interi, të cilën e zhvillojnë në kuadër të Ligës së Kampionëve.
Ai tha se “Interi është një ekip e klasës së parë, me lojtarë të klasës së parë dhe trajner të klasës së aprë. Me gjithë respektin ndaj ekipeve tjera, ata me gjasë do të jenë prapë ekipi më i mirë në Itali. Nuk mund të shihet tani në tabelë por ata duken stabilë, kanë kreativitet në fushë, janë mirë të organizuar, dhe kualiteti individual është i lartë”.
“The Reds” po kalojnë formë të mirë së fundmi dhe gjenden në vendin e dytë të Premierligës, me 54 pikë të grumbulluara.
Nëntë më pak se Manchester City që është lider në ishull.
Skuadra e udhëhequr nga Jurgen Klopp ka vetëm një humbje në 19 ndeshjet e fundit në të gjitha garat./Shqip.com