Lajme

Kica-Xhelili ulet afër Abdixhikut, përshëndet deputetët e VV-së

Deputetja Doarsa Kica-Xhelili

Deputetja më e re e Lidhjes Demokratike të Kosovës, Doarsa Kica-Xhelili në fillimin e sesionit vjeshtor, ka zënë vend në ulëset e partisë opozitare.

Dikur ajo ulej në ulëset me më së shumti deputetë kurse sot iu bashkëngjit deputetëve të LDK-së.

Ajo u ul në rendin e parë, afër kryetarit të kësaj partie, Lumir Abdixhiku.

Megjithëse nuk është më pjesë e Grupit Parlamentar të partisë në pushtet, LVV, nga radhët e Listës Guxo Kica-Xhelili i përshëndeti me dorë kolegët e saj.

Deputetja e LDK-së, Doarsa Kica-Xhelili

Theksojmë se Kica-Xhelili ishte pjesë e grupit parlamentar të Lëvizjes Vetëvendosje, nga radhët e Listës Guxo.

Në zgjedhjet e 14 shkurtit ajo ka marrë gjithsej 10.604 vota, duke siguruar ulëse në Kuvend.

Përgjatë kësaj legjislature të Kuvendit të Kosovës, Doarsa ka shërbyer si Kryetare e Komisionit për Administratë Publike, Pushtet Lokal, Media dhe Zhvillim Rajonal, si dhe anëtare e Komisionit për Legjislacion, Mandate, Imunitete, Rregulloren e Kuvendit dhe Mbikëqyrjen e Agjencisë Kundër-Korrupsionit.

Lexo edhe:
Kica-Xhelili: Sot jam në LDK, sepse LDK ka pësuar reforma

Në një intervistë për Rubikon, Kica-Xhelili është shprehur se shkuarja në LDK, ka ndodhur për arsyet se në kjo parti ka pësuar reforma.

Deputetja kishte thënë se dorëheqjen e saj e ka paraqitur me datën 5 gusht./Shqip.com

Shqip.com
Çmimet e derivateve në Kosovë Çmimi maksimal i lejuar për secilin produkt të naftës.
  • Dizel: 1.58
  • Benzine: 1.34
  • Gas: 0.75
Sot : 24/09/2022