KGJK-ja sot konferencë për media, diskutohet çështja e vettingut

Këshilli Gjyqësor i Kosovës, ka njoftuar se gjatë ditës së sotme duke filluar nga ora 10:30 do të mbajë konferencë për media.

Konferenca do të mbahet në ndërtesën e Këshillit Gjyqësor, rruga “Luan Haradinaj” në Prishtinë.

KGJK-ja ka bërë të ditur se kjo konferencë do të mbahet lidhur me deklaratat e kryeministrit Kurti dhe të ministres së Drejtësisë për punën e sistemit gjyqësor.

“Ftojmë mediat që të ndjekin konferencën ku edhe mund të parashtrojnë pyetje për çështjet e ndërlidhura me efikasitetin dhe qëndrimet zyrtare të Këshillit për vettingun.”, thuhet në njoftim.

Të dielën kryeministri i Kosovës, Albin Kurti është shprehur se rreth 200 gjykatës kanë shqiptuar vetëm dënime me kusht dhe gjobë për rastet e dhunës seksuale.

Lidhur me këtë deklaratë kishte reaguar Këshilli Prokurorial dhe Prokurori i Shtetit.

Këta të fundit I kishin cilësuar si deklarata të pamatura, të paverifikuara dhe deklarimi të pasaktë të raporteve zyrtare dhe të të dhënave statistikore në raport me sistemit prokurorial./Shqip.com