Lajme

KFOR-i vazhdon të jetë prezentë edhe pas marrjes në kontroll të kufirit shtetëror nga Policia e Kosovës

Ushtari i KFOR-it në Veriun e Kosovës

Misioni i KFOR-it do të vazhdojë të jetë prezentë edhe pas marrjes në kontroll të kufirit shtetërore nga ana e Policisë së Kosovës.

Kështu kanë bërë të ditur nga zyra për informim e KFOR-it në një përgjigje për Shqip.com.

“Nuk ka pasur asnjë ndryshim kohët e fundit në pozicionin e forcës së misionit të KFOR-it të udhëhequr nga NATO. KFOR-i mban një prani të dukshme dhe të shkathët në mbarë Kosovën dhe është i fokusuar në zbatimin e përditshëm të mandatit të tij të OKB-së për të siguruar një mjedis të sigurt dhe të sigurt dhe lirinë e lëvizjes për të gjitha komunitetet që jetojnë në Kosovë”, thuhet fillimisht në përgjigjen e KFOR-it.

Po ashtu nga KFOR-i bëjnë me dije që pjesëtarët e tyre janë të vendosur në afërsi të pikave kufitare në Jarinjë dhe Bërnjak.

Lexo edhe:
Policia e Kosovës sulmohet me armë në Liqenin e Ujmanit

“Ne vazhdojmë të monitorojmë nga afër situatën. Personeli nga Komanda Rajonale e KFOR-it në Lindje është i pranishëm në afërsi të pikave të kalimit Jaringe dhe Bërnjak, përmes pikave të vendosura të kontrollit të trafikut dhe përmes patrullave të vazhdueshme në zonë së bashku me personelin e Njësisë së Specializuar Shumëkombëshe të Karabinierëve dhe misionit të BE-së për Sundimin e Ligjit (EULEX)”, thuhet në përgjigjen e KFOR-I,

Pika kufitare në Jarinjë

Ndërsa sot gjatë ditës, ka filluar patrullimi i rregullt të vijës kufitare në mes Kosovës dhe Serbisë si dhe gjithë hapësirën në Liqenin e Ujmanit.

Lexo edhe:
Sveçla viziton policët që u sulmuan në Liqenin e Ujmanit: Pashë vendosmëri dhe entuziazëm

Përmes një njoftimi për media nga ministri i Ministrisë së Punëve të Brendshme të Kosovës, Xhelal Sveçla tha se kufiri shtetëror është më i plotë.

Kontrolla nga Policia e Kosovës në Liqenin e Ujmanit

“Për herë të parë që nga paslufta, pas krijimit të njësitit për patrullim ujor, Policia e Kosovës sot filloi me patrullimin e rregullt të vijës kufitare mes Republikës së Kosovës dhe Serbisë, si dhe gjithë hapësirës së Liqenit të Ujmanit. Tashmë, kontrolli i kufirit shtetëror është më i plotë”, shkroi Sveçla.

Pamje nga Patrullimi në Liqenin e Ujmanit

Kujtojmë se para një muaji, Policia e Kosovës ishte sulmuar në Liqenin e Ujmanit./Shqip.com

Shqip.com
Çmimet e derivateve në Kosovë Çmimi maksimal i lejuar për secilin produkt të naftës.
  • Dizel: 1.61
  • Benzine: 1.34
  • Gas: 0.76
Sot : 30/09/2022