Katër persona të lënduar nga zjarri në Tetovë
Publikuar:
(30.05.2022 13:28:40)
Katër persona janë lënduar nga zjarri që ka kapluar një depo të një fabrike në Tetovë.
Shqip.com ka kontaktuar me Spitalin Klinik të Tetovës dhe kanë thënë se përsonat e lënduar nuk kanë pësuar djegie dhe po trajtohen në repartet e po këtij spitali.
“Gjithsej katër persona janë të lënduar por gjendja e tyre shëndetësore është e mirë. Tre prej tyre janë duke u trajtuar me oksigjenoterapi në repartin e internos ndërsa personi i katërt ka thyer këmben dhe po trajtohet në repartin e kirurgjisë”, deklaruan nga ky spital.
Zjarri është përhapur diten e sotme në një depo të një fabrike në Tetovë, saktësisht në mes të rrugës “Marshall Tito” dhe “Boris Kidriq”./Shqip.com