Art Jetese

Ja si t’i trajtoni rrathët e zinj të syve në mënyra natyrale

Netë të gjata pa gjumë, lodhje apo trashëgimi gjenetike, rrathët e zinj poshtë syve kur shfaqen duan një kohë të gjatë të largohen.

Sidomos nëse keni një stil jetese jo të rregullt e konsumoni pije alkoolike, duhan apo shumë kafeinë.

Për të parandaluar këtë janë disa kura që përgatiten lehtë në shtëpi në mënyrë që të mund të largoni në pak kohë këtë problem nga fytyra juaj.

Mënyra e parë

Nëse zgjoheni gjithnjë me sy të zinj e të fryrë masat duhet t’i merrni që më parë.

Çdo natë para se të shkoni për të fjetur fusni në frigorifer një peshqir të vogël ose napë dhe lëreni aty përgjatë natës.

Në mëngjes vendoseni peshqirin mbi sy duke e lënë për 5 minuta.

Mënyra e dytë

Sa herë që pini çaj sigurohuni që të ruani qeset e vogla të tij.

Pasi t’i keni përdorur shtrydhini mirë, lërini të ftohen paksa derisa lëkura ta durojë dhe vendosini mbi sy për 20 minuta.

Vetitë qetësuese dhe kurative që çajrat kanë zakonisht do të ndikojnë edhe tek sytë tuaj.

Mënyra e tretë

Më e njohura dhe ndër më efektivet është që të vendosni feta kastraveci në sy.

Mbajini ato 10-20 minuta në mënyrë që sytë tuaj të freskohen dhe të përthithin të gjithë hidatimin që kastraveci ofron.

Mënyra e katërt

Aloe vera duket se është zgjidhja për gjithçka.

Vlerat e saj dhe aftësitë qetësuese nuk kanë të mbaruar prandaj vendoseni mbi sy dhe bëni masazh me xhelin e saj.

Mënyra e pestë

Në këtë trajtim do të përdorni vajin e kokosit dhe të bajames.

Përzieni nga një lugë çaji për secilën dhe aplikojeni në pjesën poshtë syve tuaj duke masazhuar.

Në fund shpëlajeni fytyrën me ujë të vakët dhe pastroni mirë vajin rreth syve.

Shqip.com
Çmimet e derivateve në Kosovë Çmimi maksimal i lejuar për secilin produkt të naftës.
  • Dizel: 1.58
  • Benzine: 1.34
  • Gas: 0.75
Sot : 24/09/2022