Izraeli miraton ligjin që mbron Netanyahun nga shkarkimi mes protestave për ndryshimet gjyqësore

Politikanët e opozitës izraelite dënuan të enjten një ligj të ri që do të kufizonte mënyrat se si një kryeministër në detyrë mund të shpallet i papërshtatshëm për postin dhe konsiderohet kryesisht nga kritikët si një mënyrë për të mbrojtur Benjamin Netanyahun,i cili po përballet me një gjyq të vazhdueshëm për korrupsion.

Udhëheqësi i Partisë Laburiste Merav Michaeli tha gjithashtu se lëvizja e protestës në Izrael mbi grupin e diskutueshëm të reformave gjyqësore të qeverisë dhe paralajmërimet pasuese që vijnë nga Uashingtoni, duhet të jenë një “dritë e kuqe” për Netanyahun.

Me një votim përfundimtar 61 kundër 47, Knesset miratoi projektligjin që thotë se vetëm vetë kryeministri ose kabineti, me një shumicë prej dy të tretash, mund ta shpallë liderin të papërshtatshëm. Votimi i kabinetit do të duhet më pas të ratifikohet nga një super shumicë në parlament.

Për më tepër, “Autoriteti për të shpallur Kryeministrin të paaftë do t’i përkasë vetëm qeverisë ose Knesset-it dhe do të ndodhë vetëm për shkak të paaftësisë fizike ose mendore”, thuhet në një deklaratë të Knesset të enjten.

Projektligji parandalon gjithashtu Gjykatën e Lartë të shqyrtojë “një kërkesë për të deklaruar paaftësinë e Kryeministrit”.

Netanyahu, i cili është kryeministri i parë izraelit që paraqitet në gjykatë si i pandehur, është në gjyq për akuzat për mashtrim, shkelje të besimit dhe ryshfet. Ai mohon çdo keqbërje, raporton CNN.