IOC-ja kërkon të anulohen ngjarjet sportive në Rusi dhe Bjellorusi
Shqip
Komiteti Olimpik Ndërkombëtar ka kërkuar nga organizatorët e evenimenteve sportive që t’i anulojnë apo t’i zhvendosin të gjitha ngjarjet e planifikuara të mbahen në Rusi e Bjellorusi.
IOC-ja i bëri thirrje që në organizimet sportive të ndalohet përdorimi i flamujve dhe himneve të këtyre dy vendeve.
“IOC shpreh shqetësimet e saj të thella për sigurinë e anëtarëve të komunitetit olimpik në Ukrainë dhe qëndron në solidaritet të plotë”, thuhet në deklaratë.
IOC Executive Board urges all International Federations to relocate or cancel their sports events currently planned in Russia or Belarushttps://t.co/w3zJFhiWpc
— IOC MEDIA (@iocmedia) February 25, 2022
Kjo kërkesë e IOC-së ka ardhur pasi UEFA e ka zhvendosur finalen e Ligës së Kampionëve nga Shën Petersburgu në Paris.
Derisa të premten, Formula 1 dhe Federata Ndërkombëtare e Tenisit anuluan ngjarje të planifikuara në Rusi.
Volejbolli, shenjëtaria dhe hokeji janë sportet që kampionatet botërore i kanë planifikuar t’i mbajnë në Rusi./Shqip.com
